PASRAH PENGANTEN KAKUNG BADHE IJAB BAHASA JAWA

 PASRAH PENGANTEN KAKUNG BADHE IJAB

Assalamu’alaikum Warohmatullohi Wabarokatuh

------------------------DOA-----------------------------------------

Nuwun, Kepareng matur dhumateng sagung poro rawuh,

- Langkung rumiyin dhumateng ngarsanipun poro pinisepuh dalah poro sesepuh ingkang satuhu pono ing pamawas miwah lebdo ing pitutur, soho ingkang dhahat kinabekten;

- Poro pangemban pangembating projo dalah satriyaning nagari minongko pandam - pandoming poro kawulo dasih, soho ingkang tansah tinulat sinudarsono;

- Dumateng Bapa Penghulu Bapa Kepala KUA Kapanewon Kalibawang Bapa …………………..ingkang dhahat kinabekten.

- Dhumateng Keluargo calon besan Nuwun inggih panjenenganipun –Bp. MARYANTO  sekaliyan garwo, tuwin poro gotrah keluargo ingkang dhahat kinurmatan

- Sumrambah dhumateng sagung poro adi lenggah , lan poro rawuh kakung sumawono putri ingkang mboten saget kapiji-piji, ingkang tansah tinangsulan talining pasedhere-an.

Sumonggo kito tansah ngagungaken asmaning Pangeran , kanthi ngunjuaken pujo lan puji syukur wonten ngarsanipun Gusti ingkang Moho Agung ( Allah SWT ) ingkang sampun paring sakathahing kaberkahan, karohmatan lan kawilujengan dhumateng kito sedoyo, sa henggo ing dinten puniko kito saget pepanggihan , lan kulo sekeluargo saget sowan wonten ing wekdal meniko kanthi wilujeng tanpo manggih alangan setunggal punopo,

------------------Sholatulloh wasalamuhu---------------------

Saklajengipun , kulo kumowantun matur wonten ngarsanipun sagung poro rawauh, minongko jejering sesulih saking aturipun kadang kulo Sepuh, nuwun inggih bapak “ SUBANDI sekaliyan garwo ‘ saking Padukuhan Balak, Kalurahan Pendoworejo, Kapanewon Girimulyo dalah sedoyo brayat keluargo ingkang ndherek sowan wonten ing pahargyan mriki .

Ingkang sepisan, kulo sekeluargo ngaturaken silaturohmi soho salam taklim mugi katur dhumateng poro pinisepuh lan bapak / ibu calon besan, sumrambah dhumateng sagung poro rawuh sedoyo.

Kaping kalih , sowan kulo anamung badhe hamasrahaken Calon pinanganten kakung nun inggih Nak Mas “ ADE CANDRA PRANATA “ kaleres putro saking Bapak SUBANDI , mugi keparengo “Bapak MARYANTO kersoho handhaupaken kaliyan ingkang Putri Kinasih ingkang sesilih Nak mas ayu “ ESTI NURLI YANI”.

 #Njangkepi pasrahing calon pinanganten kakung saking kadang kulo sepuh Bp. SUBANDI soho Ibu ugi kito  aturaken Arta ………………………. tegesipun kangge urun Srakah pahargyan meniko soho mas kawin saking Nak mas Eri Ristanto awujud kalpika ……………………… gram.

 #Soho kito aturaken ………………………….. tegesipun kangge PELUMPAT gandeng Nak Mas Ayu LINDA MULYANINGSIH tasih gadah Kakak.

 #Soho kito aturaken ………………………….. tegesipun kangge PEPESING gandeng Nak Mas Ayu ESTI NURLI YANI tasih gadah Simbah.

 Mugi-mugi saget katampi, lan ndadosaken berkah antawisipun kulawarga Bp. MARYANTO lan kulawarga Bp SUBANDI Amin.

Kejawi saking puniko ugi nyuwun pangestu dhumateng poro pinisepuh lan sedoyo poro rawuh , mugi-mugi sak paripurnaning akad nikah, putro penganten kekalih tansah pikantuk kawilujengan tuwin karahayon, sahinggo anggenipun badhe lumampah wonten ing gesang bebrayan saget dadoso jodho ingkang langgeng, bagyo mulyo, tentrem gesangipun, wilujeng donyo lan aheratipun;Aamiin.

 Mekaten ingkang saget kulo aturaken , Purwo Madyo Wasono, mbok menawi wonteng atur ingkang kirang tumoto, lan wonten kiranging trapsilo tuwin subosito , kulo tansah nyuwun agunging samudro pangaksami ingkang mawantu-wantu,

 Billahi Taufik Walhidayah

Wassalamualaikum Wr. Wb , Nuwun

NB : TANDA # TEGESIPUN DIBACA MENYESUAIKAN KONDISI