PANAMPI PASRAH MANTEN NGUNDUH MANTU BAHASA JAWA

 PANAMPI PASRAH MANTEN NGUNDUH MANTU

Assalamu alaikum wr.wb

(AYAT)

Kepareng matur Panjenenganipun bapa………………………… sa pengombyong minongko talanging atur saking bapa ibu SAMBYAH sedaya keluargo ingkang widalem wonten ing Pantog Wetan, Banjaroya Kalibawang ingkang kito hurmati,

Dumateng para sesepuh, para pinisepuh, saha para ajisepuh ingkang satuhu kulo bekteni.

Sakderengipun kulo matur Nuhoni dhawuh pangandikan saking panjenenganipun Bp/Ibu (Suyono) ingkang hamengku gati nunin jih hanampi pasrah temanten kekalih.

 Langkung rumiyin puja-puji syukur mugi konjuk dhumateng ngarsaning Gusti Ingkang Maha Agung, nuwun inggih Allah SWT, karana sih wilasa miwah barokahipun ingkang sampun kaparingaken dhumateng panjenengan sedaya lan kula sahengga wonten ing menika wekdal kula panjenengan saged makempal wonten menika papan kanthi pinaringan karaharjan, mboten manggih alangan setunggal menapa.

Shalawat soho salam mugi tansah lumintu lumintir dhumateng titah linangkung ingkang dados panutan patuladhan kula panjenengan inggih Sang Nabi Agung Muhammad SAW ingkang kula panjenengan antu-antu syafangatipun wonten yaumil qiyamah. Allahumma amin.

 Purwakaning atur, Bp/Ibu (Suyono)  soho kulowargo ngaturaken pambagya wilujeng ing sarawuh panjenengan bapa………………………… sakrombongan minongko talanging atur sangking panjenenganipun bapa ibu SAMBYAH sekalian, ingkang sak lajengipun atur salam taklim sangking bapa ………………………….. minongko talanging atur sangking panjenenganipun bapa ibu SAMBYAH kulo tampi, saklajengpun mboten katalumpen bapa ibu SUYONO ugi  ngaturaken salam taklim konjuk dumateng bapa Ibu SAMBYAH lumantar bapa…………………….. Atur saklajengipun bilih atur pasrah panyowanaken putra temanten ingkang asesilih Rara Ayu (LINDA MULYANINGSIH) soho dhauipun bagus (ERI RISTANTO) sampun kalampahan ijab qobul kala wingi dinten JUM’AT WAGE nyarengi surya kaping 4 Desember 2020 titiwanci kirang langkung tabuh 08.00 kanthi satataning agami lan nagari  wonten ing KUA Kapanewon Kaibawang, kanthi wilujeng mboten wonten alangan setunggal menapa.

 Ingkang lajengipun kawulo tampi pasrah panjenengan kanti asta kekalih saklajengipun  badhe kulo aturaken dumateng panjenenganipun bapa ibu SUYONO  sekeluargo.

 Dumateng panjenenganipun bapa………………………………. Sakrombongan Mbok bilih wonten pahargyan ing ri kalenggahan meniko   sampun paripurno badhe nyuwun pamit,panjenenganipun bapa ibu SUYONO, mboten kuwawi mambengi, namung dherek doa pangestu mugi mugi anggenipun saksampunipun waangsul sakiing pahargyan meniko dumugi ndalem tansah pinanggeh rahayu wilujeng mboten wonten alangan setunggal punopo.

 Ing wasana, kula pribadhi ingkang tinanggenah minangka talanging atur hanampi pasrah lan sampun kumawani tilar subasita, lan cupeting atur keparenga nyuwun gunging samudro pangaksami.

 Wusoning atur

wassalamu’alaikum wr.wb.