ATUR PANAMPI PASRAH LAMARAN BAHASA JAWA

 ATUR PANAMPI PASRAH LAMARAN

Matur suwun Saking wekdalipun saking pranata acara

 Assalamualaikum Wr Wb.

Doa

     Dhumateng sesepuh pinisepuh ajisepuh ingkang satuhu kinormatan.

Dumateng bapak bapak rombongan khususipun bapak wagiyo sakmeniko wakilipun saking keluarga Alm. Bapak Slamet utawi Wakil saking mas sihanto saking padukuhan muten ingkang kito hurmati

Dumateng shohibul bait bapak subandi sekeluarga ingkang kito hurmati ugi

                Wonten kesempatan ingkang sae puniko monggo kito mboten kesupen ngunjukaken raos pujo puji syukur kito wonten ngarso dalem Alloh SWT ingkang tansah paring mapinten pinten kenikmatan ingkang arupi kasarasan kawilujengan taufik hidayah soho inayahipun sehinggo kulo lan panjenengan sedaya saget bermuajahah bil wujuh kanti pinaringan mboten manggih alangan setunggal menopo, monggo kita ikraraken kanti waosan tahmid kulo dherekaken.

                Sholatulloh wasalamuhu mugi tansah kaparingaken dumateng panutan kito Nabi Agung Muhammad SAW, ingkang tansah kito adhang adhang syafa’atipun lan ugi ingkang badhe nyafa’ati dumateng kulo lan panjenengan sedaya mbnjang wonten ing yaumul qiyamah, Aamiin.

Kula ing mriki minangkani saking panjenenganipun bapak subandi sekeluarga.

Minangka purwakaning, kula ngaturaken sugeng rawuh, sugeng lenggah  saha ndherek memuji rahayu maring Gusti Allah ingkang Maha Mirah, awit karawuhan panjenengan sedaya sampun kasembadhan ing karya tinebehna pringga bayaning marga.

      Sanget katampi kanthi bingahing manah, atur salam taklim panjenenganipun Bapak..( ..................................) sekalian ingkang lumantar panjenengan kalawau, ingkang saklajengipun dumawah sami-sami.

 Saklajengipun sak derange kulo matur panampi kulo badhe nyuwun pirsa rumiyin, niki mas Sihanto kaleh Mbak Desi sampun podho geleme (tresna) to nggih, mboten wonten paksaan kaleh sinten mawon? Sampun sami sami mangertos status ipun saking mbak Desi lan mas Sihanto Piyambak menopo dene saking Pihak keluarga. Nggeh Alhamdulillah dados sampun sami padhange.

Saklajengipun.

Wondene atur pasrah awujud ( ................................. ) dinggeh sarana peningset, tanda katresnan soho tanda sampun manteb, katampi kanthi suka bingahing manah.

Ing samangke badhe kula aturaken dumateng Mbak desi Indah safitri lumantar bapak Subandi.

Panjenenganipun Bapak Subandi lumantar kula namung saget ngaturaken gunging panuwun, mugi sedaya kalawau ndadosaken saya raketing tangsuling kekadangan antawisipun keluarga kekalih, ananging gandeng sakmeniko saking Mbak Desi tasih Proses Idah saking cerai hidup kaleh mantan suaminipun, biasanipun 3 bulan, teras niki pun tasih masa covid. Dados kanggeh mas Sihanto utawi saking Keluarga kedah sabar lan ikhlas.

Saha hambok bileh mangke sampun dumugi titiwancinipun saha sampun samapta ing samudayanipun,

                Dimas bagus.. (Sihanto) badhe kaijabpakaen saha kapanggihaken miturut satataning agami lan adat widi widana ing laladan ngriki .

Kanthi mekaten ugi ngaturi uninga mugi panjenengan sedaya kanthi suka lilaning penggalih hanjenengi saha paring pudyastuti murih rahayuning sedya.

Amung semanten atur panampi saking Bapak Subandi ingkang lumantar kula.

Menawi wonten kuciwaning tatakrami, anggenipun hanampi menggah ing karawuhan panjenengan sami, lumantar kula panjenenganipun Bapak Subandi sekeluarga nyuwun agunging pangapunten.

Semanten ugi kula pribadi minangka talanging atur hambok bileh wonten kiranging basa, sastra miwah tata krama, kupat janure klapa. Menawi lepat nyuwun pangaksama.

Wabilahi taufik wal hidayah, 

Wassalamu'alaikum Wr Wb.

Nuwun.

Wekdal kulo kundur aken dumateng pranata acara,