PENARIKAN KKN UIN SUNAN KALIJAGA YOGYAKARTA ANGKATAN 192 KELOMPOK 105
PADUKUHAN BALAK
VIRAL - PROFIL PADUKUHAN BALAK PENDOWOREJO TERBARU, Sebelum tanggal 22 April 1948 Ada 5 Padukuhan yang membentuk Kalurahan Tlagasari yaitu Muten, Nglengkeh, Balak, Gunturan dan Jetis, yang bertempat Kantor di daerah Jetis yang saat itu dipimpin oleh Lurah Soko Pawiro. Dusun Balak merupakan salah satu dari tujuh belas dusun yang ada di Desa Pendoworejo, Kecamatan Girimulyo, Kabupaten Kulonprogo, Daerah Istimewa Yogyakarta. Dusun Balak berjarak kurang lebih 30 KM dari pusat kota Yogyakarta.
PENARIKAN KKN UIN SUNAN KALIJAGA YOGYAKARTA ANGKATAN 192 KELOMPOK 105
PADUKUHAN BALAK
MUSREMBANG KALURAHAN
PENDOWOREJO TAHUN 2021
LAPORAN KAS PADUKUHAN BALAK
BULAN JULI TAHUN 2021
DILAPORKAN OLEH LKMD DAN JAGA WARGA , SEMOGA BERMANFAAT,
MONGGO BAPAK IBU PEMBACA, BAGI YANG KELEBIHAN REJEKI BISA DISISIHKAN UNTUK PEMASUKAN DANA SOSIAL PADUKUHAN KAMI,
PENGGUNAAN DANA SOSIAL KAMI , YAITU UNTUK :
1. DANA SOSIAL KEMATIAN
2. DANA SOSIAL BENCANA ALAM, KERUSAKAN RUMAH TERKENA TANAH LONGSOR ATAU POHON TUMBANG
3. DAN DANA SOSIAL COVID, BAGI WARGA YANG MENJALANKAN ISOMAN DIRUMAH
BILAMANA BERKEINGINAN MEMBERIKAN DONASI, BISA KONTAK NOMOR HP DIBAWAH INI.
0812 2707 5996 (DUKUH BALAK)
MUHAMAD ARIFIN
SEMOGA ALLOH TUHAN YME MEMUDAHKAN NIAT BAIK DONATUR DAN SEMOGA SEGALA KEINGINAN HAJAT DIMUDAHKAN OLEH ALLOH TUHAN YME,
AAMIIN.
LAPORAN PENGGUNAAN DANA SOSIAL
SETIAP LAPAN SEKALI ATAU SEKITAR 35 HARI SEKALI.
ATUR PANAMPI PASRAH LAMARAN
Matur suwun Saking
wekdalipun saking pranata acara
Doa
Dhumateng sesepuh
pinisepuh ajisepuh ingkang satuhu kinormatan.
Dumateng bapak bapak rombongan
khususipun bapak wagiyo sakmeniko wakilipun saking keluarga Alm. Bapak Slamet
utawi Wakil saking mas sihanto saking padukuhan muten ingkang kito hurmati
Dumateng shohibul bait
bapak subandi sekeluarga ingkang kito hurmati ugi
Wonten kesempatan ingkang sae
puniko monggo kito mboten kesupen ngunjukaken raos pujo puji syukur kito wonten
ngarso dalem Alloh SWT ingkang tansah paring mapinten pinten kenikmatan ingkang
arupi kasarasan kawilujengan taufik hidayah soho inayahipun sehinggo kulo lan
panjenengan sedaya saget bermuajahah bil wujuh kanti pinaringan mboten manggih
alangan setunggal menopo, monggo kita ikraraken kanti waosan tahmid kulo
dherekaken.
Sholatulloh wasalamuhu mugi tansah kaparingaken dumateng panutan kito Nabi Agung Muhammad SAW, ingkang tansah kito adhang adhang syafa’atipun lan ugi ingkang badhe nyafa’ati dumateng kulo lan panjenengan sedaya mbnjang wonten ing yaumul qiyamah, Aamiin.
Kula
ing mriki minangkani saking panjenenganipun bapak subandi sekeluarga.
Minangka
purwakaning, kula ngaturaken sugeng rawuh, sugeng lenggah saha ndherek memuji rahayu maring Gusti Allah
ingkang Maha Mirah, awit karawuhan panjenengan sedaya sampun kasembadhan ing
karya tinebehna pringga bayaning marga.
Sanget katampi
kanthi bingahing manah, atur salam taklim panjenenganipun Bapak..( ..................................) sekalian ingkang
lumantar panjenengan kalawau, ingkang saklajengipun dumawah sami-sami.
Saklajengipun.
Wondene atur pasrah awujud ( ................................. ) dinggeh sarana peningset, tanda katresnan soho tanda sampun manteb, katampi
kanthi suka bingahing manah.
Ing samangke badhe kula aturaken dumateng Mbak
desi Indah safitri lumantar bapak Subandi.
Saha hambok bileh
mangke sampun dumugi titiwancinipun saha sampun samapta ing samudayanipun,
Dimas bagus.. (Sihanto) badhe
kaijabpakaen saha kapanggihaken miturut satataning agami lan adat widi widana
ing laladan ngriki .
Kanthi mekaten ugi ngaturi uninga mugi
panjenengan sedaya kanthi suka lilaning penggalih hanjenengi saha paring
pudyastuti murih rahayuning sedya.
Amung semanten atur
panampi saking Bapak Subandi ingkang lumantar kula.
Menawi
wonten kuciwaning tatakrami, anggenipun hanampi menggah ing karawuhan
panjenengan sami, lumantar kula panjenenganipun Bapak Subandi sekeluarga nyuwun
agunging pangapunten.
Semanten
ugi kula pribadi minangka talanging atur hambok bileh wonten kiranging basa,
sastra miwah tata krama, kupat janure klapa. Menawi lepat nyuwun pangaksama.
Wabilahi taufik wal
hidayah,
Wassalamu'alaikum Wr
Wb.
Nuwun.
Wekdal kulo kundur aken dumateng pranata acara,
ATUR PANAMPI PASRAH CALON MANTEN KAKUNG (SEBELUM IJAB)
1. Kawula aturaken agenging panuwun
dhumateng pranatacara ingkang kepareng paring wekdal dhumateng kawula.
Assalamu’alaikum Wr Wb
(ayat)
2. Mugi sih wilasa, kawilujengan tuwin
karahayon tansah kajiwa kasalira dhumateng panjenengan sedaya saking Gusti
Allah SWT, saha kepareng hangluberana dhumateng kawula.
3. Amit pasang aliman tabik, mugi tinebihna
ing iladuni myang tulak sarik, dene kawula cumanthaka marak mangarsa (ngadeg) hanggempil kamardikan
panjenengan ingkang katemben wawan pangandikan inggih awratipun amastuti
jejibahan luhur, kula piniji minangka raga sulih salira talanging basa, kinen
anampi atur pangandikan saking calon besan sutresna.
4.
Panjenenganipun para pepundhen, para sesepuh, para pinisepuh, ingkang hanggung
hamastuti dhumateng pepoyaning kautaman, ingkang pantes pinundhi tuwin
kinabekten. Para tamu saking calon besan sutresna ingkang dhahat kinormatan.
Mboten kesupen dumateng bp.........
Ingkang minangkani sulih salira saking calon kadang besan IBU SUPARTINI, ingkang dhahat kinurmatan. Para rawuh kakung sumawona putri ingkang
winantu ing suka basuki.
5.
calon besan sutresna hangaturaken salam taklim dhumateng Ibu NGATIRAH lumantar
panjenengan wau, kawula tampi kanthi suka gembiraning manah saha dhawah
sami-sami, kanti atur “Wa’alaikum Salam wr.wb”. Kosok wangsulipun sungkem
pangabekti mugi katur ing ngarsanipun kadang besan sutresna sakulawangsa kagem
ingkang langkung sepuh tuwin salam taklim dhumateng ingkang saksami-sami saha
langkung mudha.
6. Ing salajengipun saking badhe besan sutresna masrahaken calon penganten kakung, kula tampi kanthi bingahing manah, saha nyuwun kanikahaken kawula sagahi kanthi legawa. Ibu NGATIRAH sekeluarga sampun nggumathokaken wekdal, menawi mboten wonten alangan setunggal menapa kaangkah dinten meniko Kamis Pon, surya kaping 18 wulan Maaret 2021 tabuh 8 wonten ing Dalem mriki. Mila saking punika kawula nyuwun mugi calon kadang besan sakalawangsa kersa nderek hanyekseni tuwin paring donga pangestunipun, ugi dhumateng para rawuh kakung saha putri kersa paring donga pangestu, sahengga lampahing berkahan nikah sederek Calon Temanten kekalih mas bagus IWAN YULIANA kaliyan Mbak Ayu FATIMAH tanpa alangan setunggal punapa saking purwa madya dumugi wusananipun.
7.Rawuhipun kadang besan sutresna sakalawangsa masrahken calon penganten kakung sinartan paring sarana dalah upakarti minangka jangkeping tatacara salaki rabi. Wonten amplop minangka pambiyantu anggenipun mahargya calon pinanganten sekalian saking wiwit ngantos pungkas, mugi saestu hamberkahi. Wonten kalpika(ali-ali), pisang sanggan angsal-angsal iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii
wosipun
sedaya ingkang sampun kaparengaken kawula tampi kanthi suka bingahing manah.
8. Wondene
saparipurnaning pahargyan samangke panjenengan sarombongan kepareng badhe
kondur, kula namung saged ngaturaken sugeng kondur, mugi rahayu ingkang tansah
pinanggih dumugi ing dalem, nir-baya, nir-wikara, nir-ing-sambekala. Aamiin.
9. Pepuntoning atur kula ingkang
minangka raga sulih salira talanging basa Ibu NGATIRAH sak keluarga nampi
pasrah calon penganten kakung, mbok bilih wonten gonyakganyuking wicara, solah
bawa ingkang singlar/benceng saking reh tata krami, mboten langkung matur kupat
janure klapa, menawi lepat nyuwun pangaksama, kupat duduhe santen, menawi lepat
nyuwun pangapunten.
Akhirulkalam Assalamu'alaikum wr
wb
10. Ing salajengipun wekdal kawula
sumanggakaken maleh dumateng pranatacara. Nuwun.
PANAMPI PASRAH MANTEN KAKUNG BAR IJAB
PANAMPI MANTEN
KAKUNG/ PUTRI
Assalamu'alaikum
wr.wb.
( ayat )
Panjenenganipun
ingkang kinabekten, para pinisepuh, saha para sesepuh ingkang tansah anggung
mestuti dhumateng pepoyaning kautamen, ingkang dhahat pinundhi.
Langkung-langkung panjenenganipun Almukarrom
............................................. ingkang dhahat kinurmatan.
Panjenenganipun para ‘Alim, para 'Ulama, para
Kyai, lan para Ustadz ingkang tansah kaantu-antu berkah pendonga miwah pitutur
luhuripun.
Para
pangemban pangembating praja minangka pangayomaning para kawula dasih ingkang
satuhu pantes sinudarsana.
Sumawana sedaya
para rawuh, para pilenggah, kakung miwah putri, saha para sanak kadang wredha
mudha, ingkang tansah winantu ing suka rahayu.
Langkung-langkung panjenenganipun Bp .................(duta
pasrah).............................................. ingkang minangka duta
saraya pasrah temanten kakung/putri saking kadang besan ………………………………………………….. dalah
para kadang pengombyong temanten saking …………………………………………………………… ingkang pantes
sinuba sagunging pakurmatan.
Kula aminangkani BAPAK SANGADI (pemangkugati)............ keparenga
tumanggap atur menggah atur pasrah panjenenganipun ...........(duta
pasrah)............ ingkang sampun kepareng hamasrahaken putra temanten kakung/putri.
Ingkang sepisan, atas nami BAPAK SANGADI (pemangkugati) .....sakulawarga, kula
ngaturaken sugeng rawuh lan agunging panuwun ing sarawuh panjenengan
sarombongan, para pengombyong temanten kakung/putri saking ………………………………………………………………...
Kula ikroraken kanthi atur “ 'Alaika wa'alaikum salam wr.wb.”
Salajengipun, keplasing sedya panjenengan amasrahaken putra temanten
kakung/putri ,
BAPAK SANGADI.(pemangkugati).........sakulawarga nampi kanthi asta
kalih lan kanthi suka gumbiraning manah, sinartan nyuwun wewahing pangestu,
mugi-mugi para putra temanten menika sagedta dados pasangan ingkang sakinah,
mawaddah, warohmah, bagya mulya, guyub rukun, atut runtut, ingkang mugi tansah
pikantuk berkah, wiwit donya dumugi akhirat, enggal pinaringan momongan ingkang
soleh solihah, migunani dhateng sesami, migunani dhateng agami lan negari saha
tansah manembah maring Gusti. .
Mekaten ugi sedaya Pisungsung/
Dhuwit, Ubo Rampe utawi Jajana Pasar dalasan tali asih ingkang mboten
saget kulo sebataken setunggal boko setunggal ingkang sampun panjenengan
paringaken kala wau dados tandha tetalining katresnan lan kekadangan ing
antawisipun kulawarga BAPAK SANGADI kalian kulawarga …………………………………………………..(besan),
Mliginupun calon temanten kekalih.
Wondene menggah panggulawenthahing putra temanten menika sumangga
sami-sami sesarengan, menawi pinuju wonten ngriki inggih saksaged-saged
sakkuwaos kula sabrayat, lan menawi
pinuju wonten ………………………………………………………. inggih semanten ugi sumangga kagulawenthah
ingkang kados makaten.
Panjenenganipun
para pengombyong temanten ingkang satuhu kinurmatan, mawantu-wantu panyuwunipun
BAPAK SANGADI.(pemangkugati)... gotrah kulawarga, keparenga andumugekaken
anggenipun samya lelenggahan ngantos dumugi titiwanci purnaning pahargyan ing
siang/dalu menika kanthi mardu mardikaning penggalih, saha menawi wonten
kekirangan saha kalepatan anggenipun BAPAK SANGADI (pemangkugati) ....
sakulawarga nampi rawuh panjenengan keparenga hangluberaken samodraning
pangaksami. Wondene saparipurnaning pahargyan samangke panjenengan sarombongan
kepareng badhe kondur, kula namung saged ngaturaken sugeng kondur, mugi rahayu
ingkang tansah pinanggih dumugi ing dalem, nir-baya, nir-wikara,
nir-ing-sambekala. Aamiin.
Wassalamu'alaikum wr.wb.
PAMBAGYO HARJO MANTEN KAKUNG/ PUTRI
Assalamu alaikum wr.wb
(AYAT)
Panjenenganipun para sesepuh, para pinisepuh, saha
para ajisepuh ingkang tansah hanggung mestuti dhumateng pepoyaning kautamen.
Panjenenganipun para ‘Alim,’Ulama,ingkang rinten dalu
tansah sumandhing pustaka suci minangka panuntun keblating panembah,
Panjenenganipun Almukarom Kyai Abdurrahman ingkang kito
tenggo tenggo mauidloh Khasanahipun
Poro pangemban
pangembating praja, minangka pandam pandom pengayomaning para kawula dasih
ingkang satuhu pantes sinudarsana.
Panjenenganipun para rawuh, para pilenggah, kakung
sumawana putri, saha para kadang wredha mudha lan tumaruna, ingkang tansah
winantu ing suka rahayu. Mboten kesupen, panjenenganipun para kadang
pengombyong temanten kakung/putri saking (Sentolo) ingkang tuhu pantes
sinuba sagunging pakurmatan.
Langkung rumiyin puja-puji syukur mugi
konjuk dhumateng ngarsaning Gusti Ingkang Maha Agung, nuwun inggih Allah SWT,
karana sih wilasa miwah barokahipun ingkang sampun kaparingaken dhumateng
panjenengan sedaya lan kula sahengga wonten ing menika wekdal kula panjenengan
saged makempal wonten menika papan kanthi pinaringan karaharjan, mboten manggih
alangan setunggal menapa.
Shalawat soho salam mugi tansah lumintu lumintir dhumateng titah linangkung ingkang dados panutan patuladhan kula panjenengan inggih Sang Nabi Agung Muhammad SAW ingkang kula panjenengan antu-antu syafangatipun wonten yaumil qiyamah. Allahumma amin.
Sagung para rawuh, para pilenggah ingkang
satuhu pakurmatan, kakung miwah putri. Nuhoni dhawuh pangandikan saking
panjenenganipun Bp/Ibu (Suyono) ingkang hamengku gati. Lajeng kawulo kumawani
nyahak wewenanging kamardhikan panjenengan sawetawis, saperlu ngaturaken
prentuling parasdya menggah wigatosing pahargyan ing titi kalenggahan menika.
Purwakaning atur, Bp/Ibu (Suyono) soho kulowargo ngaturaken salam taklim Asalamu
alaikum waroh matullahi wabarokatuh.
Bp/ibu (Suyono)
ngaturaken pambagya wilujeng ing sarawuh panjenengan sedaya, kairing agunging
panuwun ingkang tanpa upami, dene panjenengan sedaya sampun kepareng minangkani
menapa ingkang dados panyuwunipun. Mugi-mugi rawuh panjenengan menika kalebetna
amal soleh ingkang pikantuk piwales sih nugrahaning Gusti ingkang
matikel-tikel. Allahumma amin.
Ing panginten, sedaya para rawuh sampun mboten ketilapan malih menggah ujubing pahargyan ing titi kalenggahan menika, nuwun inggih awit kadereng minangkani darmaning asepuh, amiwaha putra mahargya siwi ingkang :
asesilih Rara Ayu (ESTRI BAGUS SETIYANI)
atmojonipun bpk (SUYONO) engkang kadaup dening bagus (………………………) putra
saliranipun Bpk (……………………………) ingkang pidalem wonten ing wewengkon SENTOLO.
Para rawuh para pilenggah ingkang tuhu
kinurmatan, keparenga atur uninga, bilih putra temanten sampun kaakid-nikahaken
dhuk kalawau/kalawingi ( enjing/sonten/dalu) : nuwun inggih
dinten SENEN nyarengi surya kaping 3
AGUSTUS 2020 titiwanci kirang langkung tabuh 09.00 kanthi satataning agami lan
nagari, kanthi sineksen dening para sanak kadang. Minggahipun para pinisepuh lan sesepuh, mapan wonten ing
tlatah BALAK PENDOWOREJO kanthi manggih wilujeng mboten wonten alangan
setunggal menapa.
Para rawuh para
pilenggah ingkang satuhu wicaksana, Bp/Ibu SUYONO gotrah kulawarga ngaturaken
panuwun ingkang tanpa winates tumrap sedaya paring sumbangsih lan kadarman
ingkang awujud menapa kemawon, langkung-langkung pambiyantunipun para warga
ngriki,
ingkang sedaya kalawau tondhonipun saged adamel rancag, lancar, regeng lan gayeng pahargyan ing kalenggahan menika, langkung-langkung saged angentheng-enthengi sesanggemanipun ingkang hamengku gati. Ananging panjenenganipun Bp/Ibu SUYONO mboten kuwawi matur menapa-menapa. Panggrantesing manah ingkang konjuk dhumateng ngarsaning Gusti, mugi tansah paring leliru ingkang satraju dhumateng sih kadarman panjenengan menika wau. Allahumma Aamiin.
Para rawuh para
pilenggah ingkang tansah sinuba sagunging pakurmatan, kakung miwah putri.
Lugunipun kemawon sampun sawetawis dangu Bp/Ibu SUYONO anggenipun angrantam,
angreronce, miwah anggantha-gantha pahargyan menika, ananging dhawahipun sarwa
kirang pantes katur panjenengan sedaya. Ingkang menika, Bp/Ibu SUYONO sakulawarga
namung saged nyuwun agunging samodra pangaksami. Ewa semanten, ingkang samya
mbangun bebesanan tasih nyuwun ugungan malih, katur sedaya para rawuh mugi
keparenga paring puja sesanti mulya tumrap putra temanten kekalih anggenipun
sumedya lelumban ing madyaning bebrayan agung, mugi-mugi saged jumbuh ingkang
ginayuh, sembada ingkang samya sinedya, tansah atut runtut, sayuk rukun, wiwit
kawitan dumugi delahan tansah manggih bagya mulya, dados kulawarga ingkang
sakinah, mawaddah warohmah, tansah pikantuk berkah, pinaringan turun ingkang
soleh solihah. Allahumma Aamiin.
Para tamu para pilenggah kakung putri ingkang pantes sinudarsana, Bp SUYONO sakulawarga, lumantar kula tansah hanglenggana budi dayaning manungsa kirang sampurna, pramila mbok bilih anggenipun nampi karawuhan panjenengan sedaya, kirang ing tanggap, tangguh, lan gupuh, mugi diagung ing pangaksama. Mboten kekilapan, minangkani para kadang mudha taruna anggenipun sami nawung kridha aleladi wonten ngarsa panjenengan sedaya, mbok bilih wonten kiranging suba sita, lumantar kula tansah nyuwun agenging pangaksama panjenengan sedaya.
Para rawuh, para pilenggah ingkang satuhu
luhuring budi, mawantu-wantu panyuwunipun Bp/Ibu SUYONO gotrah kulawarga,
keparenga andumugekaken anggenipun samya lelenggahan ngantos dumugi titiwanci
purnaning pahargyan ing siang/dalu menika.
Ing wasana, kula pribadhi ingkang tinanggenah minangka talanging atur lan sampun kumawani tilar subasita, lan cupeting atur keparenga nyuwun gunging samudro pangaksami.
Wusoning atur
wassalamu’alaikum wr.wb.
PRANATACARA ING SRIPAH/ LELAYU/ LAYON
ASSALAMU’ALAIKUM WR.WB.
DOA
Kawilujengan, katentreman, mugi tansah kajiwo kasarira dumateng kulo
dalasan panjenengan sedaya, awit keusaning Gusti Ingkang Maha Mirah soho Agung
Alloh SWT, aamiin.
# Para
pangemban-pangembating praja, satriyaning nagari minangka pandam pandoming para
kawulo dasih linangkung kunjuk panjenenganipun Pj. Lurah pendoworejo soho
sedaya Pamong kalurahan ipun ingkang pantes cinaosan sagunging pakurmatan.
Para pembela sungkawa kakung miwah putri ingkang mboten saget
kaaturaken pusaka asmo tuwin kalenggahanipun ingkang pantes sinudarsana.
Madyaning panandhang ing ri kalenggahan punika kula cumantoko ngempil
kamardikan panjenegan sedaya ingkang nembe (saweg) ambal pangandikan nun inggih
awit mundhi dawuh saking panjenenganipun Ibu KOMIRAH, kulo kinen ndherekaken
lampahing upacara bidhaling layon.
“INNALILLAHI WA INNA LILLAIHI RAJI’UN 3x"
Sampun surut dhumateng kasedan jati suwargi Almarhumah SIMBAH URIP. awit saking lantaran nandhang gerah sepuh sak wetawis wekdal, Ingkang punika sak sampunipun pangruktining layon sampun paripurna keparengipun kulawarga ingkang nandhang dhukita inggih panjenenganipun Ibu KOMIRAH soho sedaya Keluarga. ing hari kalenggahan punika dipun wonteni tata upacara sawatawis ingkang sampun lumampah.
Sakderengipun kula ngaturaken lekasing sedya, sumangga nun dhumateng para pambela sungkawa kakung putri tansah kula derekaken hangluhuraken asmaning Gusti ingkang Maha Kawasa, karana rohmat saha sih wilasanipun ingkang sampun rumentah dhumateng panjenengan sadaya dalasan kula, saengga taksih saged ndherek bela sungkawa kanthi pinayungan karaharjan tebih ing sambekala.
1. Ingkang
sepindhah pambuka
2. Ingkang
kaping kalih “Atur pambagyaharja saking para kulawarga ingkang sami nandang
dhukita. Atur pambagyaharja samangkih
dipun wakili SAKING Bpk …………………... .
3. Adicara
kaping tiga “ inggih menika “Donga bidhaling layon ingkang samangkih dipun
aturaken dening Bpk ………………
Adicara
saklajengipun Tlusuban
4. Acara kaping sekawan
“Paripurnaning upacara pratandha yekti bidhaling layon.
Para pambela sungkawa
ingkang pantes kinurmatan, makaten reroncening adicara ingkang rinakit dening
para kulawarga, nuwun.
BISMILLAHIRROHMANIRROHIM
Mugi-mugi kanthi waosan basmalah punika Gusti Allah paring rahmat lan
adicara punika saget lumampah kanthi wilujeng purwa madya engga wusana.
Saparipurnaning pambuka kalajengaken adicara atur pambagyaharja, para pambela sungkawa kakung putri ingkang sinuba ing pakurmatan, nadyan panjenenganipun Ibu KOMIRAH ing wekdal punika raosing manah mboten saget ginambaraken ing mriki karana kawontenan ribet kaworan bebeg, parandene keparengipun sedya badhe matur wonten ngarsa panjenengan nun inggih atur pambagya yuwana miwah atur panuwun karana bebeging manah mboten kuwawa matur amung kandheg wonten ing madyaning jangga, pramila ingkang piniji minangka sulih salira mboten wonten malih kejawi panjenenganipun Bpk. …………….. ., Dhumateng Bpk. ………………… Wekdal kasumanggakaken.
#############JEDA#############
Katuraken agunging panuwun dumateng bapak ………………………….. ingkang sampun nyelirani/ hamakili pambagya harja saking keluarga panandhang.
#Para pambela sungkawa kakung putri ingkang pantes tampi pakurmatan layon menika samangkih badhe kapethak saha kasarekaken wonten ing astana laya SENONGKO KEPEK PENDOWOREJO panyuwunipun para panandhang hambok bilih para pambela sungkawa mboten wonten pambengan kasuwun mangke ndherekaken bidhaling layon dumugi ing astana laya SENONGKO KEPEK PENDOWOREJO wondene wonten pakaryan ingkang wigati kulowarga panandhang hamung saged ngaturaken panuwun saha ngaturaken sugeng kondur.
*Wondene kersane ingkang kagungan dalem ingkang nandang sungkawa
khususipun Warga Dusun Balak soho sekitaripun suwuni bantuan maos kalimah puji
lan dzikir Wiwit mangkeh ndalu dumugi bibaripun.
Kulo piyambak minangka
pranata adicara mbok bilih anggen kula ngaturaken urut reroncening adicara
wonten kiranging trap sila, subasita miwah kiranging basa tuwin sastra karana
budi dhayaning manungsa kirang sampurna kridhaning ati datan bisa mbedhah
kuthaning pasti mawantu-wantu nyuwun lubering pangaksama.
PAMBAGYIO HARJO ING SRIPAH
ASSALAMU’ALAIKUM WR.WB.
Kawilujengan, katentreman, mugi tansah
kajiwo kasarira dumateng kulo dalasan panjenengan sedaya, awit keusaning Gusti
Ingkang Maha Mirah soho Agung Alloh SWT, aamiin.
Madyaning dhukita ing wekdal puniko kulo
piniji dening kulawarga Ibu Suratmi sumrambah sedaya putra wayah supados
ngaturaken pambagyaharja saha pamitan dumateng roh arwahipun alm. Bapak Darmo
Sugito/ Darmo Bardi ingkang sampun sowan ing ngayunaning Pangeran.
Para pembela sungkawa ingkang kinurmatan , minangka purwakaning atur sumangga sesarengan munjukaken puja puji syukur wonten ngarsanipun gusti ingkang maha kuwaos nun inggih Alloh SWT ingkang tansah paring karohmatan lan kanikmatan dumateng kulo dalasan panjenengan sedaya saengga ing ari klenggahan meniko taksih dipun kaparengaken nyawiji wonten papan meniko. Saperlu takziyah soho nelakaken raos belo sungkowo awit sampun kapundutipun almh. alm. Bapak Darmo Sugito/ Darmo Bardi kanthi manggih rahayu wilujeng nir ing sambikala.
Bapak ibu para pambela
sungkawa ingkang winantu ing suka basuki, panjenenganipun Ibu Komirah, sumrambah sedaya keluarga panandhang mbok
bilih kepara radi randat hangambali matur sugeng rawuh miwah ngaturaken panuwun
ing tanpa pepindan, menggah karawuhan panjenengan sedaya tandha yekti
nedhahaken raos sih katresnan ingkang mboten ginambaraken ing mriki lan ugi
saget paring panglipur sawetawis dumateng sedaya keluarga ingkang nembe nampi
pacoban kapedotan katresnan ingkang sa lami – laminipun awit kapundhutipun alm. Bapak Darmo Sugito/ Darmo Bardi .
Wigatosing ganti ing madyaning dhukita wekdal punika, perlu kulo aturaken nadyan panjenengan sedaya sampun pikantuk kintaka layu miwah pawartos ingkang binandunging karna, parandene wekdal punika kulo aturaken wonten ngarsa panjenengan sedaya.
Caos uninga bilih alm. Bapak Darmo Sugito/ Darmo Bardi kapundhut wangsul sowan wonten ngarsanipun
Alloh SWT nalika dinten meniko KAMIS PON surya kaping
07 wulan JANUARI
warsa 2021 wanci tabuh wau sonten jam 03.45 wib.
Kanti lantaran gerah sepuh sawatawis wekdal wonten Ndalem.
Sedaya keluarga sampun mboten kirang-kirang angenipun mbudi daya kupiya usada ngantos kaliwat bebasan ateken janggut suku jaja,
# wonten saking keluarga panandang nggih gadah nadzar mbok bilih Bp. Darmo Sugito pas sugengipun saget kaparingan Dangan badhe ………………saking Ibu Suratmi,
ewa semanten alm. Bapak Darmo Sugito/ Darmo Bardi mboten saget pinaringan waluya jati, jati temahaning waluyu sedaya wirodat mboten kuwawi ngungkuli panguwaosing kodrat, manungsa namung saget damel pestha pesthi wonten ngarsanipun, pramila kanthi atur makaten
# mugi mugi ingkang dados nadzar saget lebar luwar wonten wekdal meniko soho
sedaya keluarga namung saget pasrah saha nampi pacoban
meniko kanthi atur “innalillahi wainna ilaihi roji’un” sedaya ingkang tumitah
wonten ing alam praja punika saking kuwaosipun Gusti ALLOH SWT lan temtu badhe
kondor ugi wonten ngarsanipun Gusti Ingkang Maha Kuwaos.
Bapak ibu para pambela
sungkawa ingkang kinurmatan , dumugi tinimbalanipun alm, bapak Darmo Sugito/
Darmo Bardi kaparingan yuswa 80 th, kanthi anilaraken garwo, putra 5
kakung 3 putri 2 (wayah ………….. buyut.......). 80 th laminipun alm.
Bapak Darmo Sugito/ Darmo Bardi sesrawungan
bebrayan wonten madyaning masyarakat, hambok bilih srawungipun limrah
saha sae ananging alm. Bapak Darmo Sugito/ Darmo Bardi namung jalmi limrah titah sawantah ingkang
mboten saget tebih saha uwal saking dasa lan kalepatan dumateng sasami-sami,
ingkang menika gegandhengan sampun wangsul sowan ing pangayunanning pangeran
ing wekdal menika kasuwunaken pamit saha nyuwun pangapunten mbok bilih wonten
kalepatan nalika srawung wonten ing alam praja menika. Saengga pangapunten
panjenenganipun sedaya saget angenteng enthengaken pisowanipun, saengga
kaparingan lepas paranipun jembar kuburipun Insya Alloh mugi sedha kanthi
khusnul khotimah. Aamiin.
Lan mbok bilih kosok wangsulipun para pambela sungkawa ugi kagungan
kalepatan dumateng alm. Mugi-mugi
ing wekdal menika saget lebur kanthi keparengipun ALLOH SWT.
Bapak ibu pambela
sungkawa ingkang minulyo, mbok bilih rikola sugengipun alm. Bapak Darmo
Sugito/ Darmo Bardi anggadahi sambut kapi samput hak adam ingkang
mboten kepareng saraking agami dumateng para pambela sungkawa, mbok bilih
sampun kepareng angeklasaken sedaya ahli waris ngaturaken agunging panuwun,
ananging manawi dereng wonten kepareng iklasaken , kasuwun enggal sesambetan
kaliyan keluarga saha ahli waris saperlu badhe enggal-enggal dipun rampungaken.
Perlu kauningana bilih alm. Bapak Darmo Sugito/ Darmo Bardi badhe kasarekaken ing makam senongko wonten ing padukuhan kepek , pendoworejo, ingkang tebihipun
saking papan menika kirang langkung 300 meter. Ingkang menika menawi wonten
keparingipun dumateng bapak ibu para pambela sungkawa kersa anyampurnaaken
angenipun takziah dumugi ing makam, ananging mbok bilik kapambeng kawigatosan
sanes ingkang mboten saget tinilar lan ngersakaken kondhur saking keluarga
namung ngaturaken agunging panuwun mbok bilih badhe kondhur ndherekaken sugeng
tindak sugeng kondhur rahayu ingkang sami pinanggih.
Bapak ibu para pambela sungkawa ingkang minantu ing suka basuki panjenenganipun Ibu Suratmi lan ugi sedaya keluarga ngaturaken agunging panuwun dumateng para sanak kadang, tonggo tepaleh, mitra karuh, mitra pitepangan linangkung para pambela sungkawa ingkang sampun paring pambiyantu ingkang arupi suku, bahu, bondho prabeyo, iguh partikel lan panggalihan saengga saget damel rancaking pangruktining laya. Saestu sadaya keluarga panandhang mboten saget caos piwales menopo – nopo dumateng panjenengan sedaya, namung ndedepi nyuwun wonten ngarsanipun Alloh SWT mugi-mugi sedaya dados amal kesahenan panjenengan sedaya lan mugi pikanthok ganjaran ingkang ma tumpo tumpo.
Salajengipun awit
kapurba saking kawontenan saking sedaya keluarga panandhang. Salebetipun nampi
rawuh panjenengan sedaya angenipun caos papan palenggahan lan ugi samudayanipun
kirang gupuh kirang jumbuh kalian kalenggahan panjenengan sedaya awit sedaya
kekirangan lan kalepatan sedaya keluarga namung nyadong dheduka nyuwun agunging
samudra pangaksami.
# Wondene kersane ingkang kagungan dalem ingkang nandang sungkawa para takziah pun suwuni bantuan maos kalimah puji lan dzikir Wiwit mangkeh ndalu dumugi 7 dinten ipun
Minangka panutuping atur
Bilahittaufiq wal hidayah
WASSALAMU’ALAIKUM
WR. WB.
PASRAH TEMANTEN PUTRI PADA ACARA NGUNDUH MANTU
(
ayat )
Panjenenganipun
ingkang dhahat kinabekten, para sesepuh, para pinisepuh, saha para ajisepuh
ingkang tansah anggung mestuti dhumateng pepoyaning kautamen.
Langkung-langkung
panjenenganipun Almukarrom ..................................... ingkang kula
mulyaaken.
Panjenenganipun
para ‘Alim, para 'Ulama, para Kyai, para Ustadz Ustadzah ingkang mboten saged
kula sebat asma setunggal-setunggalipun, ingkang tansah kaantu-antu barokah,
pendonga, miwah pitutur luhuripun.
Panjenenganipun
para pangreh pangemban pangembating praja, minangka pandam pandom pengayomaning
para kawula dasih ingkang satuhu pantes tinulad lan tinuladha. Sumawana
sanggyaning para rawuh, para lenggah kakung miwah putri, sumrambah para kadang
wredha mudha, ingkang tansah winengku ing suka rahayu. Mirungganipun,
panjenenganipun Bp/Ibu ............(pemangku gati)............ gotrah
kulawarga, saha sanggyaning bebrayan agung ing
..................(kampung).............. ngriki ingkang luhur ing budi.
Pramila
saking menika kula ikroraken kanthi maos kalimah tahmid
'alhamdulillahirobbil'alamin'. Shalawat lan salam mugi tansah lumintu lumintir
dhumateng titah linangkung ingkang dados panutan patuladhan kula panjenengan
sedaya, inggih Sang Nabi Agung Muhammad SAW ingkang kula panjenengan antu-antu
syafangatipun wonten yaumil qiyamah. Allahumma amin.
Ingkang
sepisan, kula sarombongan saking .......( BALAK PENDOWOREJO)............ sowan
dhumateng panjenenganipun Bp/Ibu .........(pemangku gati).............. sagung
kulawarga, niat silaturrahmi.
Kaping
tiganipun, minangkani kulawarga ageng saking .......( BALAK PENDOWOREJO)............
ngaturaken ndherek suka bingah dene panjenenganipun Bp
.......(pemangkugati)........ sagung kulawarga kepareng minahargya ngundhuh
mantu kanthi pinaringan berkah pangestu lan langkung-langkung sineksen dening
para pinisepuh. Kepara malah lajeng nampi kula sarombongan kanthi pakurmatan
ingkang ngremenaken, pramila saking menika kula sarombongan ngaturaken
maewu-ewu syukur alhamdulillah saha agunging panuwun.
Panjenenganipun
Bp/Ibu ........(pemangkugati)......... dalasan kulawarga ingkang dhahat
kinurmatan, minangkani kulawarga ageng saking .......( BALAK PENDOWOREJO)............,
keparenga kula hamasrahaken temanten kekalih, nuwun inggih Mas Bagus
.......(jeneng nganten kakung)......... kaliyan anak/ adhi kula nuwun
inggih .........(ESTRI AGUS SETIYANI)........... ingkang sampun
kaakid-nikahaken dhuk kala~wau/wingi/emben dening Bp Petugas Pencatat
Nikah Kapanewon GIRIMULYO., nuwun inggih dinten SENEN., surya kaping 3 AGUSTUS
2020, wonten ing BALAK.
Ingkang
menika, kanthi raos suka lila legawaning manah, kula pasrahaken sakwetahipun,
penganten kekalih ingkang sampun sah menggah satataning agami lan negari
menika, mugi kepareng katampi,
kinanthenan pangajab mugi karengkuha kadidene putra pribadhi,
kagulawenthah saha pamardi, sahengga anak/adhi kula pun ....(ESTRI AGUS
SETIYANI).... menika sagedta netepi jejering wanita ingkang tanggel jawab
dhumateng garwa lan bale griya, saha bekti dhateng para sesepuh, lan tansah
pasrah sumarah kanthi patrap pangibadah dhumateng ngarsaning Gusti.
Ugi
mboten kesupen, kula pasrahaken putra-putra temanten menika wonten kukubaning
bebrayan agung ing ngriki, mugi tinampia dados warganing bebrayan ingkang
pikantuk pengayoman saha pambiyantu sak murwatipun.
Kejawi
saking menika, inggih awit saking kiranging seserepan putra temanten ing
samukawis, keparenga ugi paring pitedah-pitedah, panyaruwe, lan panyendhu
rikalaning kirang leres, ingkang tundhonipun saged migunani anggenipun sami
nindakaken darmaning agesang ing bebrayan agung, jer menika lare, waleh-waleh
menapa, inggih nuwun sewu, menika lare ndhusun, temtu kemawon kathah kekirangan
ing seserepanipun, pramila mugi keparenga hangegungaken pangaksaminipun,
keparenga sabar pamomongipun, sahengga tundhonipun saged dados kulawarga
ingkang sakinah, mawaddah, warohmah, tansah pikantuk berkah, lan pinaringan
momongan ingkang soleh solihah. Allahumma amin.
Sanggya
adilenggah, kakung sumawana putri ingkang mahambeg ing tresna lan asih, kados
kirang wicaksana bilih kalantur-lantur anggen kula matur, pramila kula
cekapaken semanten kemawon pamatur kula. Dene saparipurnaning pahargyan ing
mangke, kula sarombongan keparenga badhe nyuwun pamit lan nyuwun tambahing
pangestu, mugi tansah pinaringan kawilujengan, nir-baya, nir-wikara,
nir-ing-sambekala.
Ing
wasana, mbokbilih wonten kalepatan, kekirangan, saha kiranging trapsila anggen
kula matur, menapadene sowan kula sarombongan mboten andadosaken pirenaning
penggalih, keparenga kula nyuwun agunging samodra pangaksami.
Akhirul
kalam, billahittaufiq walhidayah.
Wassalamu'alaikum
wr.wb.
PRANATACARA NGUNDUH MANTU RINGKAS
Assalamu
alaikum wr. wb.
DOA
Para sesepuh dalah pinisepuh ingkang satuhu pono ing
pamawas miwah lebdo ing pitutur luhur, soho ingkang dhahat kinabekten;
Langkung rumiyin sumonggo , tansah ngandhap ngasoraken manah
tumuju keblating panembah, kanthi ngunjukaken pujo hastowo – tuwin puji
hastuti, puji syukur konjuk wonten
ngarsanipun Gusti ingkang maha Agung – ingkang
sampun hambabar sakathahing karohmatan, kaberkahan, taufik, hidayah, sarto
inayahipun ingkang hamawurahan, satemah ing titi wanci dinten puniko - kito
saget pepanggihan, nunggil papan, nunggil swasono , nunggil sedyo, lan nunggil
karso, kanthi winantu ing kawilujengan, bagas kuwarasan tuwin karahayon kalis saking sambikolo , lan uwal saking rubedo, AAMIIN.
Poro rawuh ingkang pinundi, mboten
ateges cumantoko kawulo ngadek wonten ngarso panjenengan sami anamung piniji
minongko pambiworo lampahing adicoro pasamuhan walimatul urs ipun Raden Bagus ENDRO
SETIAWAN bin BP SUWARJO kalian Raden ajeng Roro INTAN FINNA PUSPITASARI binti
BP ARIFIN
Nuninggih poro pilenggah, runtuting
adicoro ingkang sampun karonce dening keluargo:
-------------------------------------------------
Dumateng
panjenengan ipun kaaturaken agunging panuwun
(Shohibul
Bait)
b.
Poro
pilenggah kakung sumawono putri, sak lajeng ipun penampi atur pasrah
ngiras-ngirus atur pambagyo ingkang amengku gati -Shohibul Bait-, awit saking
bombong miwah mongkok ipun manah panjengan ipun Bapak SUWARJO bade matur, amung
kandek wonten sak lebetipun penggalih. Ingkang puniko sesulih saliro dumateng
panjengan ipun Bapak DWIYATNO kaaturaken.
Poro rawuh ingkang
tansah minulyomboten ateges kawulo nggempil kamardikan panjenengan kanti tatas
tetes lan titis wekdal istirahat kacepak semanten.
4. Candak adicoro selajengipun inggih puniko PANUTUP,
Ananging sak derengipun adicara kito
tutup, kawedar kawulo minangkani pambiworo adicoro anggenipun andereaken lampahing
roncening adicoro wiwit awal dumugi akhir katah kekirangan boso tuwin subositi
kawulo namung tumadah lumebering sih
samudra pangaksami.
Akhirul kalam
Wassaalamu alaikum Wr. Wb