SAMBUTAN TUAN RUMAH PUPUTAN BAYI BAHASA JAWA

 SAMBUTAN TUAN RUMAH PUPUTAN 

BAHASA JAWA (M. ARIFIN)

ASSALAMU'ALAIKUM WR WB

DOA

‌DUMATENG BAPAK -  BAPAK SEDAYA WONTEN MLEBET MENOPO WONTEN NJAWI, LANGKUNG LANGKUNG DUMATENG SESEPUH PINISEPUH AJISEPUH INGKANG KITO HORMATI

DUMATENG BAPAK ROIS BAPAK ANWARI INGKANG KITO HORMATI.

LAN DUMATENG SHOHIBUL BAIT SHOHIBUL HAJAT BAPAK DWIYATNO INGKANG KITO HORMATI UGI.

‌WONTEN KESEMPATAN INGKANG SAE PUNIKO, MONGGO KITO MBOTEN KESUPEN......

SHOLATULLAH WASALAMUHU.........

‌MATUR DATENG BAPAK BAPAK SEDOYO SEPINDAH KULO MINANGKANI SHOHIBUL BAIT SHOHIBUL HAJAT KEPARA RADI RANDAT NGATURAKEN SUGENG RAWUH SAHA NGATURAKEN AGUNGING PANUWUN INGKANG KATHAH DENE BAPAK BAPAK SEDAYA SAMPUN KERSA HADIR ING WEKDAL PUNIKO,  MUGI-MUGI RAWUH PANJENENGAN SEDOYO DIPUN CATET MINANGKA AMAL KESAHENAN INGKANG MBETO MANFAAT LAN MASLAHAT KAGEM GESANG KITA.

KAPING KALEHIPUN KULO ATAS NAMI SHOHIBUL BAIT SHOHIBUL HAJAT SAK KELUARGA AWAL DUMUGI DHALU PUNIKO ANANGGAPI SAHA CAOS PAPAN PALENGGAHAN KIRANG NUJU PRANA DUMATENG PARA LENGGAH SAMI, SAESTU NAMUNG NYUWUN AGUNGING SAMUDRA PANGAK SAMI.

‌KAPING TIGANGIPUN NYUWUN PANGAPUNTEN BAPAK BAPAK SEDOYO WONTEN ING SAAT MENIKO RAWUH MRIKI, MBOTEN SANES SAPERLU SAKING BAPAK DWIYATNO NGGADAHI PANYUWUNAN DUMATENG BAPAK BAPAK SEDAYA NJIH MENIKO NYUWUN DOA PANGESTU BERKAH IPUN SHOLAWAT AL BARJANJI KANGGEH PUTRO NIPUN INGKANG NOMOR KALEH INGKANG SAMPUN DILAHIRAKEN KANTI SEHAT KOLOWINGI DINTEN.SABTU LEGI.  TANGGAL.28 AGUSTUS TAHUN 2021, INGKANG DIPARINGI ASMA FATHAN AGAM WICAKSANA. MUGI MUGI INGKANG PUTRA MENIKO DADOS PUTRA INGKANG SOLEH SAGET MIGUNANI DATENG TIYANG SEPUHIPUN DONYA AKHIRAT ,  MIGUNANI DATENG KELUARGA,  MASYARAKAT, BANGSA NEGARA KHUSUS IPUN DATENG AGAMA ISLAM, AAMIIN

ING ACARA WEKDAL MENIKA KITO SUWUN BANTUANIPUN SAKING BAPAK. ANWARI SOHO BAPAK SUBAKIR INGKANG NGRUUSI MAOS SHOLAWAT AL BARJANJI. MUGI MUGI KANTI SHOLAWAT AL BARJANJI MENIKO SEDAYA PANYUWUNIPUN SAKING KELUARGA KHUSUSIPUN BAPAK DWIYATNO SAGET KINABULAN RIDHO SAKING ALLOH TA'ALA,  AAMIIN.

‌KEPARENG MATUR BAPAK BAPAK SEDAYA,   SAK DERENGIPUN LEPAT KULO NYUWUN PANGAPUNTEN,  INGKANG SAK LAJENGIPUN AWIT SAKING KERSANIPUN SHOHIBUL BAIT SHOHIBUL HAJAT,  PANJENENGAN SEDOYO DIPUN CAOSI UNJUKAN SAHA DHAHARAN MENOPO WONTENIPUN,  SUMANGGA KULO ATURI NGUNJUK SAHA DHAHAR KANTI PRAYOGI.

‌ANANGING SAKDERENGIPUN SUPADOS WONTEN BAROKAH SAHA MUMPANGATIPUN, SUMANGGA SEDAYANIPUN NDEDONGA SARENG-SARENG KULA DHEREKAKEN:

‌BISMILLAHIRRAHMANIRRAHIM

‌"ALLAHUMMA BAARIK LLANAA FIIMA RAZAQTANAA WAQINAA ADZAA BAN-NAAR", AAMIIN. MONGGO.

‌-----------ISTIRAHAT - - - - -

‌DUMATENG BAPAK -  BAPAK SEDAYA,  MBOTEN NGIRANGI KAMARDIKAN DHAHAR LAN NGUNJUK, MONGGO KITA LAJENGAKEN ACARA WONTEN DHALU MENIKO. INGGIH MENIKO MAOS SHOLAWAT AL BARJANJI,

DUMATENG BAPAK. ANWARI ,  WEKDAL KULO SOHO PAPAN KITO ATURAKEN SAK CEKAP IPUN. SUMANGGA.

######

DUMATENG PENJENENGANIPUN KAWULO ATURAKEN MATURNUWUN. SAKING KELUARGA NGATURAKEN MATUR NUWUN ATAS DOANIPUN BAPAK BAPAK SEDAYA KANTI LANTARAN SHOLAWAT AL BARJANJI MUGI MUGI DIIJABAH ALLOH TA'ALA,  AAMIIN SOHO MUGI-MUGI BAPAK BAPAK SEDAYA PIWALES KESAEHENAN MATIKEL TIKEL SAKING ALLOH TA'ALA AAMIIN.

ACARA SALAJENGIPUN NUNINJIH ISTIRAHAT SAKWETAWIS WEKDAL, 

MONGGO DI WANGSULI MALEH ANGGENIPUN NGUNJUK SOHO DHAHAR,  SUMANGGA.

#########

DUMATENG PARA LENGGAH SEDAYA SAKING KERSANIPUN SAKING SHOHIBUL BAIT SOHO SHOHIBUL HAJAT BAPAK BAPAK SEDAYA KACAOSAN SHODAQOH DHAHARAN MENOPO WONTENIPUN,  KASUWUN ANGRAHAPI KANTI PRAYOGI,  KANTI MARDIKANING MENDHET PIYAMBAK PIYAMBAK,  MONGGO

#########

AKHIRIPUN PEPANGGEHAN MENIKO KITA ANGGEP CEKAP,  MUGI-MUGI BETO MANFAAT KAGEM KITA SEDAYA.  AAMIIN.

MBOK BILIH ANGGEN KULO MATUR MINANGKANI TALANG ATUR SAKING  SHOHIBUL BAIT SHOHIBUL HAJAT, AWAL DUMUGI AKHIR WONTEN KLENTA KLENTUNE ATUR INGKANG SAESTU MBOTEN SENGAJA,  KULO NYUWUN AGUNGING PANGAPUNTEN.

LAN MBOK BILIH BAPAK BAPAK SEDAYA SEMANGKE BADHE NGERSAKAKEN KUNDUR,  NAMUNG SAGET NDONGAKAKEN,  MUGI KUNDUR PANJENENGAN SAMI DUGI DALEM PIYAMBAK PIYAMBAK TANSAH DIPUN AYOMI DENING GUSTI ALLAH MBOTEN WONTEN ARAL SETUNGGAL MENOPO,  DENE MBOK BILIH TESIH BADHE NGERSAKAKEN LELENGGAHAN PANGANDIKAN KULO SUMANGGAKAKEN.

KULO AKHIRI

WASSALAMU'ALAIKUM WR.  WB.